1- ماهي علاقتك بالشعر ؟!!
نشأت في بيئة شعرية وأحببت الشعر بصورهـ كبيرة خصوصاً شعر المحاورة
2-من هو شاعرك المفضل ؟!!
محمد بن متروك السناني بلا منازع
3- اعضاء في منتدى" جنيه الذهب" تثق في ذائقتهم الشعرية ؟!!
الجميع بلا إستثناء
4- بيت شعر يحضرك دائما ؟!!
متى على الله نطوي العفش ماشين= يم الديار الذي ذبحنا غلاها
5- قصيدة تعدها من أروع القصائـد ؟!!
القصائد واجد بس اللي دايم على بالي قصيدة الشاعر تركي2000
.
ياسعود لا تنشد عن الحال ياسعود
الحـال ولـى فـالزمان المولـي
.
.
والجسم الأقشر قام ينحل كماالعود
ولا الهم خاواني معي مثل ظلـي
.
.
لو قلت لك موجود ماني بموجود
اضحك واجامل واحدن مافطن لي
.
.
متبعد عن كل شاذب ونمرود
ومنزحن بين الخلايق مـحلي
.
.
من خوف يلحقني من الناس منقود
وانــزل مكانن ماهـو بـمنزللي
.
.
احسب حساب النقص واطمع ورى الزود
وافـرح إلـيا جاء مـثلكـم زايـرلـي
.
.
ولا بيح بأسراري على كل مقرود
وصدري معوّد فـوقها مـايملـي
.
.
إلا على مثلك ليا رد مـردود
امشي على رايه ومنه استدلي
.
.
ياسعود يوم الهرج له وقت وحدود
ودي اني اكتب لك عن اللي حصلي
.
.
وانت من اهل الشعر والطيب والجود
يـامـا تحل معـوقـدن مـايحلـي
.
.
واللي حصلي له مصادير و ورود
واقـفت صدوره والورود اقبللـي
.
.
من عقب ماسافر على زورق النود
عـوّد وجاء من سفرته راجعلـي
.
.
اول جـوابه لـي مقابيـس وزنـود
ونارن تشل اطراف الاضلاع شلـي
.
.
وان قلت مالك من ورى القلب مقصود
وان كـان لك مقصـود عبـر وقلـي
.
.
قال الزمان يبين البيض والسـود
لا تحسبنـي راجـع لك تسلـي
.
.
وان قلت وش رجعك لا فت بالفود
قال انشد اللـي جابني من محلـي
.
.
لا شك ماجابه مهرّج وهابـود
يوم اتذكر في سنينن مضلـي
.
.
ماجابه الا اللي يقود الهوى قود
قـود البعير اليا امتنع لا يفلـي
.
.
الغالي اللي دونـه الحزم ممـدود
بأقصى جبالن حيدها عارضن لي
.
.
أرسل مراسيله يبى العلم ماكود
ياليت مرسوله جلس ماوصلـي
.
.
عقب السنين مشيبت كل مولود
اليوم مـن فرقاي دمعه يهلـي
.
.
مايدري انه دونه الدرب مقعود
واللي يباني فيـه مترصدلـي
.
.
ياسعود قلبي راح ماعنه منشود
كب الضلوع وراح مرواح خلي
6- هل لك محاولات في كتابه الشعر ؟!!
نعم
7- لك مساحة بلآ حدود وحرية بلا قيود
امتعنا بقصيدة بقلمك أو على ذوقك ؟!!
قصيدة للشاعر محمد جارالله السهلي
لاصرت بايعني اشوفك على خير
مع السلامه دام مابه سلامه
قلت انتهينا قلت لك خير ياطير
ماني بأول شخص يخسر غرامه
محذرك من قبلها الف تحذير
لاعفتني بيعيف قلبي هيامه
ماني بميت لا ولا احتاج تبرير
صح الله لسانك ووفر كلامه
باسمعك حكه وفكره وتصوير
وافهم عدل يامدعي بالفهامه
وجه الشعر ابيض ويحتاج تغيير
ودي تزين هالقصيده علامه
ماضيك الاسود باذكره دون تقصير
كذا يكون بخد هالشعر شامه
يصدق معى تعبير ويخون تعبير
ياضيعة الشاعر بوقت انسجامه
يمكن خطا ادونك باشعر مير
لو مااحترمتك للغرام احترامه
ماكان حبك غير بس طعنتك غير
علمتني معنى الندم والندامه
ماجاك مني أي زله وتقصير
كل ماخطيت اعاتبك بابتسامه
حسبي على الذكرى اذا هبت عصير
ماعاد تنفع شرهتي والملامه
البال ضامي وقتها والحزن بير
خسرتك وهمي كسبت اهتمامه
والليل فازع لك كذا جاني مغير
ظلمتني واكثر ظلمني ظلامه
لأقبل على اوحيت صوت المسايير
وفزيت كل ضيف نقوم بمقامه
وليا عزم هالليل ضيقه وتفكير
قلي بربك كيف بقدر انامه
مافيه داعي للعتب والمعاذير
الغدر خال الجرح واطيب عمامه
اما يجيب الله مطر تالي الخير
ولا السلامه ماش مامن سلامه
أتمنى أن تحوز إفادتي على رضائكم
تحياتي للجميع
أنت غير مسجل في منتديات جنيه الذهب الأدبية . للتسجيل الرجاء إضغط هنـا 
رد: عضــو في ضيافــة ^^ الخيمــــة الشعريـــــة ^^ 
